NJOFTIM/
ME 7 MAJ, ORA 1.00 PM, NE KENSICO DAM-VALHALLA, NË DREJTIMIN DHE ARGËTIMIN E SHOQËRISË KULTURORE KELMENDI DO TË PËRKUJTOHET NICK MRNAÇAJ-DITA E LIRISE SHQIPTARE/
Të Dielën me 7 Maj 2017, në orën 1.00. p.m, familja Mrnaçaj, Shoqëria Kulturore Kelmendi, do të përkujtojnë “Heroin e Demokracisë”, Nick Mrnaçaj. Kjo veprimtari e përvitshme ka edhe mbështetjen e Kishës Katolike Shqiptare “Zoja e Shkodrës”, Federatës Vatra dhe komunitetit Shqiptar. Po ashtu, kjo veprimtari ka mbështetjen dhje pjesmarrjen e autoriteteve lokale të Westchester Cauntit, që janë pjesmarrës të përvitshëm. Nik Mrnaçaj (Nick Mrnacaj), humbi jetën me 20 Janar të vitit 1990, në moshën 31 vjeçare, pas kthimit nga demonstrata antikomuniste e organizuar në Detroit.Në shenje respekti për Nik Mrnaçaj, para zyrës se bashkësisë në White Plains – Nju Jork,do të ngrihet në shtizën e bashkise Flamuri Kombëtar Shqiptar. Që nga viti 1991 shefi ekzekutiv – Prefekti i Zones Westcheter, e ka shpallur ditën e rënies së Nick Mrnacaj, me vendim zyrtar “Dita e Lirise” dhe familjes Mrnacaj , në çdo pervjetor , u dorëzohet një Proklamatë.
Organizatorët i bëjnë thirrje komunitetit që të bëhet pjesë e kësaj veprimtarie, ku do të ngrihet Flamuri Shqiptar dhe do të valvitet aty për një javë.